منة شلبي: صناعة السينما المصرية دايما فيها دعم سعودي..

تحدثت الفنانة منة شلبي، عن مستقبل الفن بين مصر والسعودية في شتى المجالات، مؤكدة أن العلاقة بين البلدين قوية ووطيدة وأنهما داعمان لبعضهما في شتى المجالات.

وقالت منة شلبي على هامش حضورها، حفل الليلة السعودية المصرية: طول عمر مصر والسعودية من زمان دولتين شقيقتين بينهم كل الاحترام والحب وداعمين لبعض في جميع المجالات، ومصر بلد عريقة ليها تاريخ كبير والسعودية بلد جميلة فيها الحرمين الشرفين، وده موضوع غير قابل للنقاش ومالوش علاقة بأي حاجة مسيسة.

وأضافت منة شلبي: اللي بينزل السعودية بيلاقي ترحيب كبير ورهيب والعكس في مصر، وده مفيهوش أي حاجة جديدة من زمان جدا، من زمان جدا صناعة السينما المصرية دايما فيها دعم سعودي، والفن المصري سباق في الوطن العربي، والعلاقة بين مصر والسعودية مبنية من زمان، وعلاقة قديمة ووطيدة وليها أصول عريقة.

كما كشفت منة شلبي رأيها في قرارات المستشار تركي آل الشيخ، بشأن الأفلام المقرر إنتاجها من صندوق Big Time، وضخ أكثر من 4 مليارات جنيه للصندوق، قائلة: شيء رائع لأن السينما المصرية محتاجة إنتاج أكبر من كده، وأنا أول ما بدأت أمثل كنا نقدر نعمل أربع أو خمس أفلام في السنة من ضمن عشرين فيلم، لكن ممكن دلوقتي اللي معروض يكون عشرة والحلو أوي اتنين فالتنوع قل شوية والإنتاج قل، ولذلك دي حاجة رائعة ودعم خطير وبنشكر سيادة المستشار على ده.