خيري بشارة:يوسف شاهين السبب في دخولي عالم الاخراج

تحدث المخرج خيري بشارة، عن بداية دخوله لمجال السينما والفن، مشيرًا إلى أنه كان يرغب بالبداية في أن يكون مخرجًا ليصل إلى حلمه بالتمثيل، خلال ندوته المقامة حاليًا في معرض الكتاب الدولي، تحت عنوان حياتي في السينما: بداية علاقتي بالسينما إن جدي كان بيسوي لحمة في الفرن، وبعدين جيب أختي الصغيرة ويقفل عليهم وهما بياكلوا وإحنا بنشم ريحتها، وبنبقى جعانين فـ انتقامًا منه لما دخل الحمام روحت جايب سكينة من المطبخ وفاتح بيها دولابه وأخدت منه 10 جنيه، ودي كانت ثروة.

حيث اضاف بالفلوس دي روحت دار المعارف جبت كتب، وبعدين روحت السينما ومكنش في ذهني أكون مخرج خالص، وأتذكر إن فيه فيلم اسمه نداء العشاق، دخلت الفيلم وخرجت لأول مره أدور على اسم المخرج؛ لأني لقيت حاجات ممتعة، وطلع أنه يوسف شاهين.

واختتم خيري بشارة حديثه قائلا: خالي قالي عاوز تبقى من الكبار ولا الكومبارس، اسأل نفسك.. فاعتقدت أنه بيقولي أنت فاشل، ودخلت أوضتي أعيط وبالصدفة اشتريت كتاب اسمه فن الفيلم، قريته بسلاسة، ولقيت أن أهم شخصية هو المخرج، من هنا قولت هبقى مخرج عشان أمثل.