حمو بيكا يهاجم محمود العسيلي: الناس في الشارع تعرف حمو بيكا مش العسيلي

هاجم مؤدي المهرجانات حمو بيكا الفنان محمود العسيلي ، وذلك بعد تصريحه الأخير بأنتهاء موضة المهرجانات .

وقال حمو بيكا خلال استضافته في برنامج ( ورقة في ملف ) الذي يقدمه الإعلامي هيثم بسام علي قناة النهار : يبقي هو كمان موضته اتغيرت ، ولو نزلت دلوقتي الشارع وقولت تعرف حمو بيكا ولا محمود العسيلي هيقول حمو بيكا ، وهو اتكلم عن عصام صاصا وقال فيه واحد اسمه عصام صاصا طالما عرفته يبقي سمعته ، إحنا بنحترمك واللي يحترم يحترم .

وأضاف حمو بيكا : مينفعش حد يجيب لي سيرتك وأقول موضة قديمة هتنتهي يبقي أنا مش سامعلك أي حاجة في السوق .

وأردف أثناء حواره في برنامج ( ورقة في ملف ) عن النقيب الفنان مصطفي كامل ، قائلا :بحبه جدا وحد محترم جدا ووقف جمبنا وكان نفسنا في ده من زمان وساعدنا وكفاية أنه لو الساعة 3 الفجر أو 5 الفجر واتصلت بيه بيرد عليا وألاقيه باعت لي مناديب وناس نازلة لي تحل لي المشكلة ومتابعنا خطوة بخطوة وربنا يخليه لينا .