محمود العسيلي : بالمقاطعة بنضر البلد والعمال المصريين وكثير من الشركات الأجنبية لا تدعم إسرائيل

كشف الفنان محمود العسيلي عن رأيه في مقاطعة المنتجات الأجنبية التي تدعم الاحتلال الإسرائيلي تضامنا مع فلسطين وأهالي غزة ضد الأحداث الأخيرة في غزة .

وقال العسيلي خلال تصريحات تليفزيونية له : إحنا بالمقاطعة بنضر البلد أكتر ما بنفيدها وفيه عمال كتير في الشركات دي مصريين بنسبة 99%، ومقاطعتها مثلت ضرر كبير عليهم ، والمستثمرين الأجانب هيخافوا يستثمروا في مصر ، وفيه شركات أجنبية كتير لا تدعم إسرائيل بشكل كبير وكامل .

وسبق وعلق العسيلي علي إلغاء الحفلات والأنشطة الفنية، قائلا : سخونة الأحداث في البداية كانت ممكن تلغي حفلات في الأول لمدة شهر شهرين ولكن بعد كده مش هينفع تلغي وده أكل عيشنا وفيه ناس مسئولة مننا .

وأضاف محمود العسيلي خلال تصريحاته التليفزيونية : الغناء والحفلات جزء من شغلنا وفيه بهجة واحتفال ولكن مثل أي شغل آخر ، الحياة لازم تستمر وممكن تتبرع بجزء من حفلاتك لغزة أو الهلال الأحمر وده الي هنعمله في شهر فبراير هنتبرع بجزء كبير لصالح مواطني غزة ، في الأول الوضع كان صعب ولسه صعب لكن الحياة لازم تستمر ولازم نشتغل والإنسان لازم يساعد بشكل إيجابي مش شعارات ولازم يكون فيه حاجة مفيدة علي الأرض لأن الناس اللي بتهاجم بتروح شغلها، وفيه ناس مسئولة معاها عائلات ، والمساعدة تكون بحاجة إيجابية ، مؤكدا أن السوشيل ميديا كارثة من الكوارث وممكن تذبح أي شخص .