غادة عبدالرازق : غادة عبدالرازق: أغلب البرامج استغلوا صراحتي عشان التريند، وطلعوا عليا سمعة وحشة

أكدت الفنانة غادة عبدالرازق ، علي حرصها الشديد في إيجاباتها خلال لقائاتها التليفزيونية ، في الفترة الحالية ، مؤكدة أنهم استغلوا صراحتها بسبب رغبتهم في تصدر الترند .

وقالت غادة عبدالرازق في تصريحات إذاعية : أغلب البرامج استغلت صراحتي وأنا للأسف مكنتش واخدة بالي ، لأن هو في مصلحته يجيب غادة عبدالرازق ويطلع بيها تريند وانا متسرعة في الرد وصريحة جدا وأتأذيت من ده ، ودلوقتي بقيت باخد بالي جدا ولو روحت برنامج ولقيت أي سؤال مبيعجبنيش علي الهواء بوقفه عند حده وبقوله ده عدم احترافية .

وأضافت : الفانز بتوعي دمهم شربات ومعايا بقالهم سنين ، أنا عندي ناس من 22سنة وحافظين غادة عبدالرازق ، وأنا اللي في قلبي علي لساني ، بس الحمد لله بقيت ماسكة لساني دلوقتي .

كما تحدثت غادة عبدالرازق عن فترة غيابها من الساحة الفنية ، قائلة: شغلاتنا من زمان جدا لما تلاقي حد ناجح أوي ومش عاوز نجاحه يكمل ، هو بينجح بالعناصر اللي حواليه مش لوحده ، أنا مع مخرج وكاتب وكاست وحدوتة أنجح ، فكانوا بيطلعوا عليا سمعة علشان يخوفوا المنتجينً والمخرجين مني ، وكانوا بيعملوا نفس الحكاية مع الممثلين إني بتدخل ، الأعمال اللي أستغلتها أثبتت إني اللي بيقولوه مش حقيقة ، لغاية ما مصر كلها عرفت إن اللي بيقولوه ده مش حقيقة ، لكنه أخد وقت وتعبني جدا .

وعن عام 2023 ، قالت الفنانة غادة عبدالرازق : أنها سعيدة جدا بالإنجازات التي حققتها علي الصعيد المهني والشخصي ، مؤكدة سعادتها بمسلسل ( تلت التلاته ) و ( حدث بالفعل ) ، وإنها عملت فيلم لسة منزلش ولكن رجعت من خلاله للكوميدي ، وعلي المستوي الشخصي كانت سنة كويسة .