إلهام شاهين تنتقد الرقابة على الأعمال الفنية بهذا الشكل

عبرت الفنانة إلهام شاهين عن استياءها من الرقابة وما تقم به من رفض تجاه العديد من الموضوعات التي هناك رغبة في تداولها بالسينما والتليفزيون.

وقالت إلهام شاهين خلال تصريحات تليفزيوينية: لازم يكون فيه ثقة فينا، أنا عندي خبرة كبيرة في الفن وعندي رقابة داخلية وأقدر أعرف إيه المسموح وإيه غير المسموح للمجتمع، مينفعش يكون فيه أي جهات أوصياء على المجتمع يشوف إيه وميشوفش إيه، ما لو مشافهوش عندك هيشوفوه في المنصات اللي بقت مفتوحة على العالم كله".

واستكملت:" الفن لازم يتنفس ويكون فيه حرية بشكل واسع، مينفعش نحس بالتقييد وأن الرقابة هترفضه وأقول بلاش، قولت لازم أتوقف هو إيه اللي مسموح بيه الكوميدي والأكشن؟ يعني لو متكلمناش في مواضيع هامة فيها سياسة أو دين أو جنس، اللي هي الحاجات المحرمات، هنتكلم في إيه؟ أنا كإلهام شاهين أنا معرفش أخترع إفيهات، ومش هطير في الهواء ولا هكسر عربيات ولا هضرب، طيب بعد تاريخي الطويل ده عديت الـ 100 فيلم وأكتر من 50 مسلسل أعمل إيه؟ ".