رامي صبري: اغنية ”حبيبى الأولاني” لفتاة كنت بحبها جدًا وماتت فجأة

وتابع رامي : وعن حكاية أغنية "حبيبى الأولاني" قال صبري: "القصة طويلة جدا، بدايتها أنا متخرج من المعهد العالى للموسيقى العربية قسم تأليف موسيقى، وبوقت كنت طالب بالمعهد حبيت فتاة في معهد الباليه، وكان وقتها عندى 20 سنة، وهى كانت عندها 16 سنة، وكنا بسطاء مكنش معايا عربية وبنركب الأتوبيس، وكانت أول انسانه قلبى عشقها.

واضاف رامي صبري: كنت غاوي شغل وعندى طاقة رهيبة، وهي دعمتنى وقالت لى لازم تنجح وتوصل وتكون أهم واحد، والبنت دى فجأة توفت ومكنتش لسه لا غنيت ولا اتشهرت، ولما توفيت قعدت 3 أو 4 شهور بعاني من مشكلة نفسية، وما بقتش عارف أنام وأعيط وأسمع اغاني وأعيط لأنى كنت بحبها جدا، وكنت فاكر إن دى اللى هاتجوزها، ولما رحلت عن الدنيا قلت لازم أعمل اللى كان نفسها إنى أعمله إنى أنجح، وعملت أول أغنية بعنوان "حبيبى الأولاني".