نورين شحاتة توجه رسالة لكل موهوب ولديه محتوي جيد : أنت مش محتاج فرصة علشان تكبر وتنجح

استضافت الإعلامية نورين شحاتة من خلال برنامجها" البيه والهانم " التي تقدمه مع الإعلامي ممدوح شحاته ، نجوم الترسو علي التيك توك ، وأصبح لهم عدد كبير من المتابعين ، وناقشت خلال الحلقة كيف أصبحت السوشيال ميديا غير مقتصرة علي نشر الأخبار فقط.

وقالت الإعلامية نورين شحاتة خلال برنامجها البيه والهانم المذاع علي قناة القاهرة والناس خلال حلقتها : دور السوشيال ميديا مش بس أصبح مقتصر علي معرفة أخبار الناس ، لكن أصبح في نجوم عليها ، يمكن الحكاية كانت في البداية أبلكيشن بنهزر عليها ونتسلي ، لكن دلوقت الأبلكيشنز بقي فيه نجوم عليها وليهم متابعين كبار عليها .

وأشارت نورين شحاتة خلال الحلقة ، إلي أن الأبلكيشن ليها شقين ، شق إيجابي وهي أن أي شخص لديه موهبة أو يريد تقديم محتوي لا يحتاج فرصة من شخص ولكن لديه القدرة فعل ذلك بسهولة ، والشق السلبي ، أن البعض سيستغل هذا الأمر وينشر محتوي غير جيد ، وأحيانا منفر وقد يحقق شهرة أيضا من كثرة الانتقادات .

من جهة أخري قال ممدوح الشناوي : الناس دي بتشتغل عن طريق السوشيال ، وأجرهم عن طريقها ، وبقي فيه نجوم سوبر ستار ومتصفين لنجوم a,b,c، لو تفتكر الفنان فريد شوقي كان ملك الترسو في مصر يعني بتاع الغلابة وبسعر بسيط وتقتدر تتفرج علي الفيلم ليه بسعر رمزي ، نفس القصة الشباب دول ابتدوا من الصفر وعندهم طموحات وأحلام وفكر مختلف وعاوزين يوصلوا والنهاردة هنشوف تجربتهم وهل استفادوا منها ولا لأ.