سهير جودة تكشف كواليس وعكتها الصحية الأخيرة

كشفت الإعلامية سهير جودة عن تفاصيل معاناتها مع المرض بعد تعرضها لأزمة صحية مفاجئة، موجهه رسالة لجمهورها عبر حسابها الرسمي بموقع التواصل الاجتماعي فيسبوك.

وقالت سهير جودة: بشكر كل الناس اللي دعوا ليّ وافتقدوا وجودي، لأنهم أهم عوامل الشفاء.

وتابعت، الأصدقاء رزق من عند ربنا، وحب الناس أحلى ثروة، وكنت ببقى في عز الألم ولكن في نفس اللحظة في عز الفرح، لما أشوف مين دعالي، لو فضلت أتكلم عن الناس اللي كانوا بعد رحمة ربنا معايا سبب في الشفاء هقول أسماء ناس كتير جدًا.

وأضافت سهير جودة، بشكر الدكاترة اللي ربنا بعتهم ليّ، الحمد الله على وجودهم في حياتي، أحاطوني بكل الحب والاهتمام والدعاء، إحساس أن حد خايف عليك ده أروع إحساس، ولكن الحاجات اللي نتعلمها من أي محنه ربنا اختبارنا بيها، هي أن قد إيه الروتين العادي ممكن نشتاق إليه والحاجات اللي شايفنها عبئًا يمكن أن تكون نعمة كبيرة في حياتنا.

واستطردت، بلاش مسكنات ولأزم نعرف التشخيص ونروح للدكاترة ونعمل الفحوصات المطلوبة للاطمئنان على صحتنا لأنها أمانة، وأتمنى ننسى فكرة الحزن المؤجل.

واختتمت سهير جودة حديثها قائلة: بلاش نعتبر نفسنا أقوياء غير لما نعرف تشخيص حالتنا الصحية، وياريت نهون على نفسنا مش طول الوقت تحت ضغط، ومش أي حاجة تزعجنا، حتى لو في ضغط نتيجة الأحداث اللي بنشوفها والناس اللي بنفقدهم، ولكن في الآخر لأزم نقلل التوتر والخوف من بكرة، المفروض ناخد الدنيا بهدوء، وأكيد ربنا مقدر لنا كل حاجة هتحصل، ولكن لما تحصل وأحنا هاديني أحسن متحصل وإحنا حزننا مؤجل.