مليش علاقة ولا قريب.. تعليق شقيق شيرين عبد الوهاب بعد طلاقها

انتشر بالأمس خبر طلاق الفنانة شيرين عبد الوهاب والفنان حساب حبيب ،بعد زواج دام لأكثر من خمس سنوات، مر الثنائي خلالها بالعديد من المنعطفات والخلافات حتي أن بعضها وصل للمحاكم .

وأحاط خبر الطلاق بعض المشاهد الغامضة ،فخرجت الفنانة شيرين عبدالوهاب بتصريح تؤكد فيه الطلاق بعد فترة من الخلافات بعد حفلها بالسعودية "روائع السنباطي "، غادرت علي أثرها السعودية بدون حسام حبيب .

بينما علق الفنان حسام حبيب حينما سُأل عن خبر الطلاق قائلاً : معرفش حاجة.

وكتب محمد عبد الوهاب شقيق الفنانة شيرين عبد الوهاب منذ قليل منشورا عبر حسابه على فيسبوك، قائلا: والله ولا كنت عايز أعلق على الموضوع أساسًا ولا عايز أصلا يبقى ليا علاقة بأي حاجة أنا بس المعلومة عندي من يومين ومن كتر التليفونات والرسايل من السادة الصحفيين وأنا مليش أي علاقة ولا قريب ولا عايز الحقيقة.

وأضاف محمد عبد الوهاب: بحبها أوي روحي وعمري وأختي الكبيرة وتاج رأسي وخيرها عليا ولحم كتافي من خيرها وأمي التانية بعد أمي، وبإذن الله هترجع تاني تكسر الدنيا وتمتعنا بفنها وغناها وصوتها وإحساسها اللي مفيش زيه في الكوكب كله، وبتمنالها كل خير من كل قلبي وتاخد بالها من ولادها سندها في الدنيا ونور عنيها، بس كله من وأنا بعيد في حياتي وهي في حياتها.

واختتم شقيق شيرين عبد الوهاب حديثه، قائلًا: وحياة أمي بحبها أوي بس والله الطاقة اللي عندي يدوب على قد شوية الأمراض اللي جتلي والحمد لله على كده، مليش علاقة بأي حاجة أتمني تسيبوني أرجع شخص عادي ملوش علاقة غير بنفسه وبس شكرًا.