فلسطين طول عمرها بتموت..رد صادم من رامي صبري لجمهور السوشيال ميديا

علق الفنان رامي صبري علي الإنتقادات التي توجه من بعض الجمهور علي الفنانيين الذين يواصلون أعمالهم الفنية في ظل الأحداث في قطاع غزة وفلسطين من قبل الأحتلال الإسرائيلي من قتل ومذابح بشرية تحدث في غزة علي الأطفال والنساء والمدنيين العزل في غزة .

وقال رامي صبري خلال بث مباشر بثه عبر حسابه الرسمي علي موقع تبادل الصور والفيديوهات الشهير " انستجرام " ، قائلا : الكومنتات اللي بتقول أنت بتغني إزاي وفلسطين بتتضرب ، يعني إحنا مش هنفضل قاعدين بناكل وبنشرب وبننام ، فهي بس الناس الي بتكتب الكومنتات دي ، مش فاهم بتكتبها علي أساس إيه ؟،ده شغلنا ودي عقود كاتبنها ، ومنقدرش أننا منشتغلهاش .

وأضاف رامي صبري خلال بثه : مش ببقي فاهم أوي الناس اللي مش عايزانا نغني ونشتغل ، وبزعل لمًا بلاقي الناس بتفكر كده ، لكن معنديش حاجة أعملها ، فلسطين علي فكرة بتتضرب من قبل ما إحنا نيجي الدنيا، وإحنا هنعمل إيه ، بنعمل اللي علينا وممكن مثلا نغني لفلسطين ، وندفع فلوس وكل حاجة علشان نتضامن ، لكن نوقف شغلنا ؟!.

وأستكمل رامي صبري : بكبر دماغي ، والناس الي بتقول بتشتغل ليه يا فنان وفلسطين بتموت ، ما فلسطين طول عمرها بتموت ، مش فلسطين بس كل البلاد زي البوسنة ، فنموت إحنا كمان علشان نبقي كويسين من وجهة نظركوا ؟! ، مش هو ده التضامن ، ما أنا ممكن أعمل حفلة وأتبرع بيها لفلسطين .