سيد رجب: الحمد الله أني اتشهرت كبير

تحدث الفنان سيد رجب عن حياته قبل الشهرة وبعدها، موضحًا أنه لم يتغير ويعي بشكل جيد ما تفعله الشهرة بالفرد.

وقال سيد رجب خلال لقاءه ببرنامج سولد أوت، أنه يحمد الله على الشهرة في سن متأخر لأنه يعرف أضرارها جيدًا، موضحًا:" أنا بتمنى من كل قلبي إن ميبقاش في فرق بين سيد رجب قبل الشهرة وبعد الشهرة".

وأوضح، "مش عارف لو اتشهرت وأنا صغير كان هيحصل إيه أو كنت هتغير إزاي أو إيه تأثير ده، وعشان أثبت إني متغيرتش هاخد وقت ومجهود، أنا بحمد ربنا على أي حاجة وصلتلها في وقتها".

واستكمل حديثه خلال الحلقة عن مسلسل أبو العروسة قائلا:" لما اتعرض عليا أبو العروسة كنت شايف أن المسلسل بسيط وبطولة وأنا بخاف ومش عايز اتحمل مسئولية مسلسل كامل أنا البطل فيه، لكن اشتغلت فيه ومن خلاله شفت أمي وأبويا وخالتي شفت عيلتي ورجعلي حياتي القديمة".