السوبرانو العالمية فاطمة سعيد: إخترت أكون فري لانسر لأن الأوبرا مزاج

تحدثت السوبرانو العالمية فاطمة سعيد عن مسيرتها في الموسيقي والغناء الممتدة منذ سنوات ، وأوضحت أنها درست الموسيقي نحو 9 سنوات ، إذ حصلت في البداية علي بكالوريوس الموسيقي من ألمانيا .

وأضافت فاطمة سعيد خلال حوارها مع الإعلامية مني الشاذلي في برنامج " معكم " المذاع علي قناة cbc ، أنها حصلت علي دبلومة في الأوبرا من إيطاليًا ، وبعدها عادت إلي ألمانيا وحصلت علي ماجيستير في الموسيقي .

وأضافت خلال اللقاء : " بعد الدراسة بيكون قدمنا اختبارين ، إما بنروح نتعاقد مع دار الأوبرا وبنبقي جزء من فريقها ، أو بنختار العمل الحر ، فأنا قررت أجرب أكون حرة رغم أن ده فيه مخاطرة أكبر ، لإن مش ضروري يجي لي شغل باستمرار ، لكن ده بيديني فرصة أشتغل مع الناس الي أنا حباها " .

وتابعت : "أنا فريلانسر ، وشغالة بطريقة حرة جدًا .. لأن صعب عليا أوي النهاردة حد يقولي أغني إيه ، لذلك قررت أكون حرة رغم أن الأسهل أكون جزء من فرقة ، لإن مثلا وقت كورونا اتبهدلنا ومكنش في شغل ، لكن المهم عندي أكون بشتغل اللي بحبه " .

وأضافت فاطمة سعيد : " الموسيقي دي مزاج والأوبرا دي مزاج عالي جدًا .. صعب عليا أوي ابقي في مجموعة ويتقالي أغني إيه ويتحط لي جدول للي هغنيه ".

وأشارت إلي أنها تزوجت خلال الأعوام الماضية ، وانتقلت للعيش مع زوجها في لندن ، لكنها تسافر لإحياء الحفلات حول العالم باستمرار .