طارق النهري يكشف حقيقة تأجيل الجزء الثاني من جعفر العمدة

كشف الفنان طارق النهري عن تفاصيل الجزء التاني من مسلسل جعفر العمدة، وذلك خلال لقاء له فى احدى البرامج التليفزيونية .

وقال طارق النهري: اللي اعرفه لحد دلوقت أنهم لسه بيكتبوا لكن محدش كلمني لسه في أي حاجه خالص، هيكون موجود شوقي وكارم وحمادة وصفصف طبعا الملكة ومحمد رمضان أساسي ومعرفش مين لسه بعد كده.

وأضاف: فرحت جدا وهي مخاطرة لان أنت عشان تعمل ده لازم تحقق نجاح أكبر من اللي حققته الجزء الاولاني، الكاتب هنا عليه عبىء لأنه هيتطور شخصيات جديدة وهيبني شخصيات وأنت كممثل عليك أنك تعيش الحالة اللي كنت فيها قبل كده وتشوف هتعمل ايه بعد كده.

وتابع: دايما مسلسلات الأجزاء مش كلها ناجحة، ومسلسل " جعفر العمدة" لو نزل في ٢٠٢٥ ممكن يفقدوا الحماس بتاع تواصل الموضوع إنما لو اتعمل فيما بعد برضو هيحتاج تطوير جديد خالص بقي.

تصريحات محمد رمضان:

وقال محمد رمضان في لقاء له على هامش حفله بالرياض: شغالين على جعفر العمدة الجزء الثاني ولكن لسه لم نحسم موعد طرحه، سواء في رمضان 2024 أو رمضان 2025، احتمال اخد بريك سنة في 2024 والمسلسل ينزل 2025، واحتمال أيضا ما اخدش بريك وهيكون الموضوع قاسي شوية عليا.

ويبدو أن هناك بعض الأمور التي من الممكن أن تتسبب في تأجيل مشروع الجزء الثاني من مسلسل جعفر العمدة، ومن بينها انشغال الفنانة هالة صدقي وارتباطها بعمل درامي خليجي والذي سوف يصور خارج مصر، كما أن المخرج محمد سامي مشغول حاليا بكتابة وتصوير مسلسل نعمة الأفوكاتو الذي سوف يشارك في سباق دراما رمضان المقبل.

ومن المفترض أن يكون هناك قرار حسام خلال الأيام القليلة المقبلة بشأن الجزء الثاني من مسلسل جعفر العمدة، حتى يتمكن أبطاله من معرفة خطتهم، ما إذا كانوا سوف يشاركون في بطولته هذا العام او التعاقد علي أعمال درامية أخرى في حالة تأجيله لمدة عام آخر.