نجل المطرب محمد ثروت يتعرض للتنمر: ”أبوك معاه فلوس يعالجك بس ليه بيرفض يتبرع للبلد”

تعرض المخرج أحمد ثروت نجل الفنان الكبير محمد ثروت، للتنمر من قبل أحد متابعيه، عندما ذكره بأن والده لديه الكثير من المال ليعالجه ولكن يرفض التبرع للدولة.

البداية نشر أحمد ثروت صورة له عبر وهو في فراش المرض، وذلك عبر حسابه الشخصي بموقع التواصل الإجتماعي فيس بوك، ليتفاجأ أحمد ثروت بتعليق من متابع له قائلا :"أبوك طلع معاه فلوس أهو وبيعالجك كويس امال مش بيتبرع للبلد ليه".

المخرج أحمد ثروت لم يتماسك نفسه ورد عليه قائلاً: "أستاذ سمسم، مساء الفل كل اللي على البر عوام، التنظير في المرض مؤلم لصاحب الإختبار جدًا وكل اللي أقدر أقولهولك ربنا إن شاء الله ما يعرضك أنت أو أولادك أو والدك أو ولدتك لمرض زي اللي عندي اللي لو معاك فلوس الدنيا مش بتفيدك غير رحمة ربنا عليك ودعوات الناس".

وتابع المخرج أحمد ثروت خلال رده على التعليق قائلا:"أنا معرفش حضرتك بس صدقني عمري ما أتمني ليك دقيقة ألم من اللي بتعرضلها يوميًا حتي لو معاك مال الدنيا وبتتبرع البلد كل يوم، يومك جميل وربنا ما يكتبها عليك وإن شاء الله ماتشوفش وحش فى أي حد بتحبه في اختبار زي ده".

فيما رد المطرب الكبير محمد ثروت بالتعليق على نفس المنشور قائلاً: "ابنى الغالى، أحلى شيء في البوست ده أنى ربنا أكرمنى واتأكدت أنى عرفت أربي راجل محترم زيك، ربنا يتمم شفاك على خير وترجعلى بالسلامة".

وبعد ساعات قليلة من رد المخرج أحمد ثروت، فؤجي الكثير بقيامه بحذف المنشور بعد جدل كبير من متابعي السوشيال ميديا حيث انقسم البعض لفريقين فريق يرى أنه من المفترض لا بد أن يتجاهل التعليق ويلتزم الصمت وفريق يرى أنه على صواب.