برسالة نارية.. عمرو مصطفى يرد على تصريحات رامي جمال

علق الفنان عمرو مصطفى، على التصريحات الأخيرة للمطرب والملحن رامي جمال في احدى البرامج التليفزيونية، والتي انتقد فيها تصريحات الأول عن زملائه.

وخرج مصطفى، للرد على رامي جمال، عبر حسابه على موقع التواصل الاجتماعي، "فيسبوك"، قائلا: "هو أنا اترككم تتعدوا بشكل غير قانوني على ألحاني، يعني ولحن تم غنائه في برنامج علي الهواء خدته وعملت منه أغنيه وصورتها، وفي الاخر طالع تقول عليا نرجسي، نحن في زمن يصدق فيه الكاذب ويكذب فيه الصادق".

وأضاف عمرو مصطفى: "أقسم بالله لو شوفتك في اي مكان انت واشكالك لن تجدوا مني غير نظره احتقار واوعي تجري تسلم عليا زي ما عملت قبل كده علشان ههزائك، واوعي تجيب اسمي تاني في مكان علشان هقاضيك، أنت وكل اللي شبهك مطربي الدرجة لخامسة زمن الرويبضة"

وتابع عمرو مصطفى، هجومه، بمنشور أخر، قال فيه:"أنا نرجسي، أنا مغرور، أنا منفصل عن زمايلي وفي حالي ومش بكلم حد في الوسط، ارتاحوا بقي وبطلوا تذكروا اسمي في كل مكان".

"اقعدوا اعملوا لجان في كل حته تطلع تشتمني وبرامج مخصوص لمهاجمتي، كل ده لاني لازم اكون منافق واشكر في ناس منافقه علشان صورتي تكون كويسه قدام الناس، طيب انا عايز صورتي تكون وحشه ارتاحوا بقي".

تصريحات رامي جمال

وكان رامي جمال قد حل ضيفا على احدى البرامج التلفيزيونية، وتحدث خلال اللقاء عن عمرو مصطفى.

وقال رامي جمال خلال حواره بالبرنامج: أنه نرجسي ومغرور، واستكمل حديثة قائلًا: " مفيش حاجة في الدنيا متوقفة على شخص، والملحن من غير شاعر وموزع شاطر أداة، والمطرب الشاطر اللي سماه أداة هو الفترينة غير كده مكانش هيبقى قاعد يتكلم إنه ملحن شاطر".

وتابع رامي:" في الحقيقة في نوع من النرجسية، أنا مش بحبه وفي فرق بين إنك واحد من الملحنين العباقرة اللي التاريخ مش هينكرهم، لكن لسه مين كده مازعلتوش منك، عاب في كل زمايله، ولما تعيب في زمايلك إنت بتعيب في مهنتك"