النهار
الخميس 1 مايو 2025 03:21 مـ 3 ذو القعدة 1446 هـ
جريدة النهار المصرية رئيس مجلس الإدارة ورئيس التحريرأسامة شرشر
تعاون إستراتيجي بين ”سيليستيال مع هيئة رأس الخيمة لتنمية السياحة” لمدة ثلاث سنوات «واتساب» تكشف عن ميزة «المعالجة الخاصة» لحماية خصوصية محادثات الذكاء الاصطناعي الزراعة: فحص أكثر من مليون طن بطاطس معدة للتصدير لمختلف دول العالم خبراء مكتبة الإسكندرية فى ندوات معرض أبو ظبى للكتاب: إمكانيات الذكاء الاصطناعى فى الأرشفة وحكايات ابن سينا فنادق ومنتجعات IHG تطلق أول فندق من علامة كيمبتون المرموقة في دولة الإمارات وفاة شخص واصابة 34 اخرين فى حادث إنقلاب سيارة ربع نقل بأسيوط كلية التربية الرياضية بجامعة السويس تفوز بالمركز الثالث في مسابقة العروض الرياضية المنخفض الجوي والرياح.. متى تنتهي العاصفة الترابية في مصر ؟ الإسكان تقوم بجولة موسعة لمتابعة سير العمل بكافة مكونات مشروع ”حدائق تلال الفسطاط” تقارير: مدرب بورتو البرتغالي السابق يقترب من تدريب الأهلي وزير الاسكان يتفقد مشروع المرحلة الثانية لمأخذ المياه العكرة بالمعادي أحمد زايد: مكتبة الإسكندرية تسعى لحفظ التراث ونشره بالوسائل الرقمية والتقليدية

حوادث

قتلوها ورموها في الزبالة.. ماذا قالت والدة ”طفلة منوف” أمام النيابة؟… تحقيقات

أرشيفية
أرشيفية

طفلة منوف.. اسم أطلقه أهالي المنوفية على الفتاة "ن.ب"، التي لا يتجاوز عمرها 13 عامًا، وقُتلت بوحشية على يد جدتها وخالها وخالتها مستخدمين في جريمتهم "شاكوش" و"شومة" هشموا بهما جسد الفتاة الصغيرة.

وتنشر "النهار المصرية"، نص التحقيقات في القضية رقم 77 لسنة 2023 جنايات قسم منوف، والمتهم فيها كل من "عزة.ج"، وابنتها "عبلة.ح"، وابنها الطفل "م.ع"، وآخرين، بتعذيب الطفلة "ن.ب"، حتى الموت ثم إلقائها بالقمامة.

وقالت والدة الطفلة خلال التحقيقات: "أنا اتجوزت جوزي التاني من 5 سنين وأمي طلبت مني إن ولادي يعيشوا معاها في البيت عشان هي ست قعيدة ومبتعرفش تتحرك ومفيش حد يخدمها، عرفت بعدها إنها كانت بتضرب بنتي بعنف وكان فيه كدمات وآثار جروح في جسمها كتير وعملت لأمي محضر وقتها عشان رفضت تديني بنتي".

وأشارت: "اللي حصل إن يوم الاتنين اللي فات لقيت أمي وأختي وأخويا كركر جايين عندي البيت وبيقولوا لي إن بنتي الله يرحمها راحت مشوار امبارح جنب البيت عشان تجيب لجدتها سجاير وكيسين نيسكافيه وراحت مرجعتش تاني.. فروحت منوف ولفيت عليها كل حتة في منوف ملقيتهاش وسألت أبوها عنها قاللي معرفش هي فين".

وتابعت: "أمي قالتلي أنا هدور عليها وزي ما ضاعت مني أنا اللي هلاقيها وطلبت مني أروح بيتي.. بعدها لقيت ابني الصغير بيقولي يا ماما أختي مضاعتش وتيتا وخالتو وخالو هما اللي قتلوها.. قاللي إن أخويا كان ماسك الشاكوش وعمال بيضرب فيها لحد ما كسر عضمها وأمي مسكت الشومة وضربتها لحد ما ماتت وحطوها في قفص الفراخ".

وأردفت: "ابني قاللي إنهم كمان خدوه وكتفوه وحطوه جنبها في عشة الفراخ كام يوم وبعدها أخدوا البنت وحطوها على عربية كارو وقفلوا عليه بالقفل تاني.. وبعدها رجعوا قالوله إنها فاقت وبقت كويسة وشربت عصير وسابتهم وهربت.. وإنه عرف إنهم أخدوا جثتها ورموها في مقلب الزبالة".

وأضافت: "أمي وأخواتي حاولوا ياخدوا ابني مني وأنا لحقته بالعافية وأخدته وهربنا وعرفت إن الشرطة لقت جثة بنتي في كفر داوود.. ووقتها اتأكدت إن أمي وأخواتي قتلوها عشان أمي شتمت بنتي وبنتي ردت عليها".

موضوعات متعلقة