سارة نخلة لـ حلا شيحة: فقدتي مصداقيتك ومحتاجة تروحي لدكتور نفسي

حرصت مقدمة البرامج سارة نخلة، التعليق على عودة الفنانة حلا شيحة إلى الفن بعد إعلان اعتزالها منذ فترة، و هجومها الحاد على الفنان تامر حسني بسبب بعض المشاهد التي جمعتهما في فيلمه “مش أنا”، وارتدائها الحجاب.

وقالت سارة نخلة خلال حلقتها فى احدى البرامج : الناس مش عايزين حلا شيحة ترجع عشان فقدت مصداقيتها، السيناريست هيخاف يجي يديكي سيناريو تقوليله تاني يوم لا خلاص انا اتحجبت.

واضافت سارة نخلة: أنا كان عندي مشاكل نفسية ولجأت لدكتور لعلاج نفسي ودة مش عيب واحنا في المجتمعات العربية عشان مش متقبلين دة بنقول عليه لايف كوتش ولكن ده علم، بنصح حلا شيحة أنها تروح لدكتور نفسي، حلا محتاجة تقعد مع نفسها سنة أو سنتين تلاتة على الاقل وتفكر هي عايزة ايه.

من جانبه علق الناقد الفني عماد يسري على عودة الفنانة حلا شيحة للفن قائلا، إن مصطلح الاعتزال أصبح سيء السمعة نظرا لاستخدامه للتريند، لو نزلنا الشارع سألنا الناس اية أبرز الأعمال لحلا شيحة أثرت فيهم مش هتلاقي، فيلم السلم والثعبان اتشهر بسبب هاني سلامة وليس حلا شيحة، حلا شيحة إنسانة مش محبة للفن وبالتالي لا تجتهد أنها تحاول تدرب نفسها وتكبر، الجمهور اللي بتقولي عليه مش عجبه رجوعك هو اللي عملك متابعة لما قولتي هعتزل واتحجب، حلا شيحة مش صغيرة على التصرفات اللي مش ناضجة دي، المنتج اللي هيعرض العمل على حلا هيكون عشان التريند.