ليلى علوي: تربية الأولاد أصعب وبفكر في خالد ابني أكتر من الشغل

كشفت الفنانة ليلى علوي عن علاقتها بنجلها خالد، وقارنتها بعلاقتها بوالدتها، مُشبرة إلى أن هذا الجيل يمل من كثرة التواصل معه والاطمئنان عليه طوال الوقت.

وقالت ليلى علوي في تصريحات تلفزيونية: "بس احنا كأمهات بنخاف عليهم وبنحبهم، وبنحاول نراعي دا بس مشاعر الحب والقلق بتغلب".

وقالت عن والدتها باكية: "أمي كانت طول الوقت تتصل بي وتطمن وتزعقلى أنت فين، قلقتيني عليكي ولكن في أول مرة وأنا في الساحل الشمالي بعد رحيلها لم أتلق اتصالها فشعرت بحزن عميق".

وأشارت الفنانة ليلى علوي، إلى أن تربية الأولاد أصعب من البنات، قائلة: "أنا مربية بنات أختي وهي في الوقت ذاته اعتبرها ابنتي وتربية الأولاد أصعب من الفتيات لأنهم مع الكبر وتقدم العمر بيكون مرحلة أصعب ودائما يرافقه إحساس أنه يرفض تقديم ملحوظات عليه وأن تقال بشكل مش لطيف ولازم احنا كآباء وأمهات نحافظ على هذا عشان دول رجالتنا اللي هيشيلوا مسؤولية وهيفتحوا بيوت".

وأشارت إلى أهمية نجلها في حياتها، قائلة: "خالد كل حياتي وتفكيري فيه أكتر من تفكيري في الشغل، وبفكر فيه معظم ساعات اليوم أكثر من الشغل وأكثر ما يقلقني إني دائما نفسي يكون مطمن ومرتاح وحساه لسه مش مطمن وأنا نفسي يبقى مرتاح لأن أيام الجيل الحالي أصعب من أيامنا".