فرح الزاهد: راضية عن نفسي بنسبة 70% والعمل مع ليلى علوي ممتع

كشفت الفنانة فرح الزاهد عن تفاصيل مشاركتها في فيلم «شوجر دادي» بطولة ليلى علوي، مُشيرة إلى أن التعاون مع الأخيرة ممتع جدًا وأنها تعلمت منها الانضباط.

وقالت «الزاهد» في تصريحات إذاعية عن تعاونها مع ليلى على: "أول يوم أشوفها فيه كنت متوترة قوي وكان أول مشهد معاها وعيدنا المشهد كتير قوي؛ لأن كان فيه مشاكل في الزاوية بتاعتي وكنت بـ أقول جمل غلط لكن هي كانت بتفضل تقول لي حلو قوي لحد ما أخدنا على بعض".

وأضافت: "عندها انضباط فظيع وحب لشغلها غير طبيعي، وإن لازم أتعود على صعوبات الشغل وهي بالنسبة لي مثل أعلى"، مُضيفة أنها راضية عن نفسها في تجربتها السينمائية الأولى تلك بنسبة 70%.

وتابعت فرح الزاهد: "بـ اخد رأي هنا أختي بعد ما أمضي الدور خلاص وبـ أسألها إيه رأيك أعمل الدور إزاي وكدا، وبـ أخد رأيها كمان لما العمل يتعرض وهي بتبقى صريحة معايا في رأيها، لكن مامتي هي اللي باخد رأيها قبل ما أوافق على الدور".

وشارك في فيلم «شوجر دادي»، عدد كبير من الفنانين بجانب ليلى علوي، أبرزهم: بيومي فؤاد، حمدي الميرغني، تامر هجرس، مصطفى غريب، محمد محمود، مي الغيطي، فرح الزاهد، جوهرة وغيرهم، والعمل تأليف لؤي السيد، إخراج محمود كريم.