شيرين أم أنغام؟.. عمرو مصطفى يجيب على السؤال الصعب عن صوت مصر

تحدث الفنان والملحن عمرو مصطفى، عن لقب صوت مصر الذي أثار جدلا واسعا خلال الساعات الماضية وأطلق على الفنانة شيرين عبد الوهاب وأنغام.

وقال عمرو مصطفى خلال لقائه فى احدى البرامج : الاتنين صوت مصر بصراحة لأن ليهم تاريخ فمتقدرش تحدد لكن الشعوب هي اللي حددت وبتقول ده يلقب بإيه.

وعن جديد أعماله الفنية المقبلة، أكد عمرو مصطفى، أنه يتفرغ حاليًا لمشاريعه الفنية الخاصة به، مضيفًا: أنا فاضي للمشروعات بتاعتي، وأي مطرب هيطلب مني أغنية يديني صوته، وأنا اللي بنتج لي شكل الأغنية، ومش هلحن أغاني تاني لحد إلا بشرط لو هيدفع فلوس كتيرة جدًا.

عمرو مصطفى وتقينة الذكاء الاصطناعى

وتحدث عمرو مصطفى مؤخرًا على فكرة استخدامه تقنية الذكاء الاصطناعي لإعادة إحياء أصوات الفنانين، ورد عمرو مصطفى في لقائه مع احدى البرامج، قائلًا: أنا شايف أن ورثة كل العظماء اللي توفوا جاتلهم الفرصة إنهم يحيوا ذكراهم بأغنية جديدة، الورثة نفسهم ممكن يختاروها وكمان الجمهور، وأنا بعتبر مي فاروق من أهم الأصوات المصرية.

وأضاف عمرو مصطفى: مش غرور بس أنا اسمي وشغلي والـ 30 سنة اللي اشتغلتهم يسمحولي إني أجرب وأشوف، الصناعة وصلت لدرجة كبيرة من الانحدار في وطننا العربي كله، وعشان نقدر نعمل حاجة نرتقي بيها بالشعوب العربية رجعنا للتراث والمزيكا والموسيقى الشرقية.