عمرو مصطفى: «افتركلك إيه» هتنزل بصوت أم كلثوم والجمهور اللي يحكم

أعلن الفنان عمرو مصطفى، عن تصالحه مع أسرة «كوكب الشرق» أم كلثوم، مؤكدًا أنه سيتم إعادة طرح أغنية «افتكرلك إيه» التي غنتها مي فاروق، بصوت «الست» عبر الذكاء الاصطناعي.

وقال «مصطفى» عبر تصريحات تلفزيونية، إن الوطن يشهد انحدارًا موسيقيًا، وهذا ما دفعه إلى إطلاق مشروع إعادة إحياء التراث الغنائي.

وأضاف: "أنا شايف أن ورثة كل العظماء اللي توفوا جاتلهم الفرصة أن يحيوا ذكراهم بأغنية جديدة، الورثة نفسهم ممكن يختاروها وكمان الجمهور، وأنا بعتبر مي فاروق من أهم الأصوات المصرية".

وتابع عمرو مصطفى: "مش غرور بس أنا اسمي وشغلي والـ 30 سنة اللي اشتغلتهم يسمحولي إني أجرب وأشوف، الصناعة وصلت لدرجة كبيرة من الانحدار في وطننا العربي كله، وعشان نقدر نعمل حاجة نرتقي بيها بالشعوب العربية رجعنا للتراث والمزيكا والموسيقى الشرقية".

واختتم عمرو مصطفى حديثه في هذا الشأن، بالتأكيد على أنه سيصدر أغنية «افتكرلك إيه»، بصوت كوكب الشرق، قائلًا: "أغنية افتكرلك إيه هتنزل كاملة بصوت أم كلثوم بعد ما اتصالحت مع الورثة، وإحنا سايبين الجمهور يحكم، وهاخد كل كلام الجمهور وهروح بيه لأسرة أم كلثوم وأقولهم ده حكم الجمهور لو تمام هتنزل الأغنية".