بسمة وهبة تفجر مفاجأة بشأن خناقة حسن شاكوش وزوجته

كشفت الإعلامية بسمة وهبة، مفاجأة بشأن أزمة مغني المهرجانات حسن شاكوش، مع زوجته،وحرصت على تبرئتها من ادعاءاته الأخيرة عليها، بشأن عدم علمه بزواجها السابق.

وبحسب «وهبة»، في تصريحات تلفزيونية: "فيه كلام بيدين ريم وأنا هابرأها منه، بيتقال إنها كذبت في إنها كانت متزوجة قبل حسن، لا ريم ما كذبتش، وهي قاعدة معايا في برنامج العرافة، لما هاجمتها وقولتلها أنت ليه سجدتي شكر لله في الفرح ودا كدا شو، قالت لي لا مش شو أنا كنت سعيدة".

وأضافت: "وقالت لي أنا حسيت إن ربنا رزقني بحاجة بيعوضني بيها عن تجربة سابقة عانيت فيها، فطبيعي إن التجربة اللي هي تقصدها دي كانت تجربة زواج".

وتابعت بسمة وهبة: "الناس قالت إن حلقة شاكوش وريم طارق فيها خراب بيوت، وأنا فعلًا قولت لهم في الحلقة اللي بيقولوا شيخ العرافين دا خراب بيوت، وفي حاجات كمان اتشالت في المونتاج واتخنقت مع شيخ العرافين وقولت له أنت كدا بتخرب البيوت والناس بتهاجمني أنا".

واستطردت: "لو أنا السبب في طلاقهم زي ما الناس بتقول كانوا خرجوا من الحلقة واتطلقوا في ساعتها، ما كانوش استنوا لبعد رمضان والعيد والفترة دي كلها".

واختتمت بسمة وهبة حديثها في هذا الشأن، بتوجيه رسالة إلى حسن شاكوش، قائلة: "عايزة أقول لحسن أكيد أنت كنت عارف إن ريم كانت متجوزة قبلك، هي أصلًا كانت رافعة قضية على جوزها السابق فأكيد دي حاجة مش هتستخبى عليك، وحسن داير يعني مش ممكن واحدة تضحك عليه وتفهمه إنها آنسة وهي كانت متجوزة".