سليمان عيد: الدنيا مش مثالية والمخرجين حصروني بأدور معينة فرضيت بالموجود

كشف الفنان سليمان عيد، عن الأدوار التي يفضل تقديمها، مؤكدًا أن المخرجين حصروه في الكوميديا، رغم حبه للتراجيدي.

وبحسب «عيد» في تصريحات تلفزيونية: "أنا في دنيا ما فيهاش مثالية، وأكيد مش هالاقي اللي نفسي فيه، لذلك مهم إننا نتألقم مع الموجود والرضا به والاجتهاد فيه، والرضا مهم، فلو جاي لي دور وباصص في دور زميلي مش هعمل دوري كويس ولا هوصل لدور زميلي، فالأفضل أني أعيش مبسوط باللي ربنا كتبه ليا لأنه أداني الدور ده لحكمة في الوقت دا".

وأضاف: "حصروني في حتة معينة ودي من عيوب المهنة خاصة أن في بدايتي كنت بعمل نوبي وكل ما يدوني دور يقولوا لي اتكلم نوبي، لحد ما بقتش حابب الحكاية دي وفجأة كانوا بيجيبوني بدور قهوجي وكنت باحبه لأنه دور واحد وبيخلص في أسبوع وماديًا بيكون كويس".

وتابع سليمان عيد: "لما باعمل كوميديا باكون هاتجنن وأعمل تراجيدي لأنه تحدي بالنسبة لي، لأن الناس شافتني كوميديان والغريب أني لما عملت دور تراجيدي في واحد من الناس خدت جائزة أحسن ممثل تاني في دور تراجيدي، على الرغم أن الكوميدي أصعب ولازم يكون في تقدير له أكتر من كدا".

واختتم «عيد» حديثه في هذا الشأن، قائلًا: "نفس أنوع شغلي وعملت ده في مسلسل اسمه رسايل وكان دور إنساني، ومسلسل مع شيرين عادل اسمه بيت فرح كان بيجمع بين الكوميدي والتراجيدي وأنا بشوف أن الشخصيات لحم ودم فيها الكوميدي والتراجيدي، والشخصية لازم يكون فيها كل حاجة".