أمجد عابد لـ”النهار”: تعجلت في التمرد على دور وديع رغم نجاحه الباهر

قال الفنان أمجد عابد، في تصريح له للنهار" دور وديع هو الذي قدمني للجمهور بشكل جيد، وجلني معروف للناس وعرفني على الناس وبدأت أتشهر من خلاله، فمن يردد أن الدور ظلمني أقول له لا بالعكس مظلمنيش، أنا تمردت على وديع بعد ذلك، وعندما قدمت شخصية"وديع" عرض علي عمل نفس الشخصية مرارا ةتكرارا،ولكن لم أكن اعرف ما الخطأ او الصواب في هذا الوقت حتي أنني تمردت عليه و قلت لا كفاية لأنها كانت مرة واحدة كان ممكن ان استثمر النجاح أكتر من ذلك.

وأضاف : أنا خفت من جزئية إن أنا أفضل محبوس في أبعاد تلك الشخصية ,لكن أنا كنت عايز أعمل اختلاف لكن استعجلت جايز، لأني رفضت حاجات كتير جدا في دور وديع وجالي فوازير وجالي مسلسل، وكنت بقول لأ، ولكن بعد كده اكتشفت إن أنا استعجلت كان لازم أطول بالي شوية واكون ثابت أكترواخد من" وديع "الحاجات الكويسة إللي فيه وأغير بعد كده بس أنا كان عندي تخوف بدري شوية زيادة في إن أنا محبتش أتحط في قالب معين أو في حتة معينة واحدة يعني خلتنا نستعجل.

وتابع: الحمد لله عملت في أعمال كتير مختلفة ونجحت بس المساحة ماكانتش كبيرة قد مساحة وديع, فقد عملت الكبير الجزء الرابع والجزء الخامس مع الفنان أحمد مكي و الأستاذ الجندي وعملت الجماعة أيضا مع أستاذ محمد ياسين وأفراح القبة، وعملت أوشن14 في السينما و فص ملح وداخ مع الفنان عمرو عبد الجليل .