ريهام نبيل لـ ”النهار”: نفسي ألعب دور في الأعمال الوطنية زي ”الاختيار”

قالت الفنانة، ريهام نبيل في تصريحات خاصة لجريدة "النهار"، "بإذن الله داخلة عمل مهم جدًا في رمضان 2023، لكن لسه مش مسموح لينا الإعلان عن تفاصيل، بس أكيد في حاجة في رمضان كويسة."

وأضافت، طموحي أشتغل في الأعمال الدرامية المشرفة إللي هي لها علاقة بالدولة والبلد، زي الاختيار وزي الأعمال الوطنية المشرفة، الي بتدخل البيت المصري ويتفرج عليها كله بكل فخر وحب، وتقدري تتفرجي عليها وأنت قاعدة مع والدك ووالدتك والأطفال.

وتابعت تصريحاتها للنهار، "بالنسبة ليا أدوار البنت البسيطة البنت الطبيعية إللي هي من الطبقة بتاعتنا المصرية العادية، دي أهم حاجة في الفترة الجاية بدور إن أنا أبقى موجودة فيها".

وأستكملت، "كل الأعمال الي عملتها كانت قريبة لقلبي مفيش حاجة اشتغلتها مكنتش مبسوطة بيها الحمد لله، لكن دوري في الزوجة الرابعة طبعا هو إللي فرق مع الناس وكانوا حابيين الشخصية، والنقلة بتاعتها، من شخص طيب وكويس وفجأة لقينا منها وش تاني فدي كانت سماح في الزوجة الرابعة هي إللي كانت فارقة مع الناس أوي".