ريهام نبيل لـ ”النهار”: أتمنى أعمل مرة أخرى مع الزعيم عادل إمام

وصفت الفنانة ريهام نبيل شعورها حين تم اختياراها للعمل في مسلسل فرقة ناجي عطا الله مع الزعيم عادل إمام، قائلة: "حاجة مشرفة جدا إن أنا أشتغل مع الزعيم عادل إمام في مسلسل من المسلسلات وحتى لو مكنش لينا اللقاء في مشاهد أو في الدراما نبقى مع بعض بس طبعا كان شيء يشرفني جدا".

وأضافت "كنت وقتها في بداياتي من عشر سنين يعني أي حاجة صغيرة كانت بتبسطني، فما بالك بقى إني اشتغل في عمل من بطولة النجم عادل إمام، للأمانة كانت حاجة مشرفة، وتجربة حلوة أوي".

وتابعت تصريحاتها للنهار: "ربنا يديله الصحة ونشتغل معاه تاني، ويبقى دايما في وسط حبايبه ويبقو مبسوطين بيه، ويجيلنا حاجة تانية إن شاء الله معاه، وأتمنى نلاقي له عمل درامي قريب إن شاء الله".