أنت مش عارف انت بتكلم مين؟!

بقلم : أميرة حسن

مشهد روعه ولو شاهدته ألف مره لا اشعر بالملل بالعكس اتعلم منه كتيرا لما فيه من دلالات .....المشهد من فيلم الشقه من حق الزوجه لمحمود عبدالعزيز بعد أن اشترى تاكسى واشتغل عليه سواق..ركب معه رجل لابس بدله وبلغه العصر باين عليه انه بيه وباشا وومن ذوى المراكز المهمه ...وامتنع عن دفع الاجره وقاله :

( أنت مش عارف انت بتكلم مين؟!

فكان الرد العبقرى وهو بيقوله

اه عرفت انت مين ؟!

انت حرامى وعاوز تنضرب..... )

أنت مش عارف انت بتكلم مين

جمله بنسمعها كتير وتحمل الكثير من السطحيه والجهل والتخلف ...

تقريبا احنا الشعب الوحيد اللى فيه اشخلص تحس أنهم حاسين على طول الخط أنهم

مميزون بدون اى تميز حقيقى

متخصصون بدون تخصص...

وعلماء بدون علم ...

الأمر كله برمته مجرد عقد واضطرابات نفسيه

جنون عظمه من غير عظمة

أهل الاختصاص يطلقون على هذه الاضطرابات مرض البارانويا..

حيث يتركز هذيان مريض البارنويا على مشاعر العظمة ومشاعر الاضطهاد ويعيش افكارا متسلطة تسبب له الهذيان ولكنها لا ترتبط بالهلوسات..هذه الأوهام تقنعه بأنه مضّطهد من قبل الآخرين وبأنّ السبب الرئيسي لاضطهاده من قبلهم هو كونه شخص عظيم ومهمّ للغاية.

وبمزيد من الابحاث يقال ان هناك اضطرابات عقليه لدى جميع اسر مرضى البارانويا...

تنتشر الإصابة بالاضطرابات النفسية في كل الدول الاوروبيه والعربيه ...

بعض هذه المجتمعات يعترف بوجود المرض النفسى ويعالجه والبعض يكابر ويخشى المواجهه

اعتقد انه من العدل ولتحقيق مستوى افضل فى التعامل فى الجهات الحكوميه او الخاصه ..

خصوصا ذوى المراكز الحساسه او الموظفين اللى بحكم عملهم معرض بشكل يومى وبصفه مستمره لتعامل مباشره مع الجمهور..هذه الفئه من الموظفين تحتاج لتوقيع كشف طبى نفسى عليهم " مش عيب المرض النفسى ليس عار " ...

وذلك لاكتشاف اى خلل او مرض قد يعوق سير العمل......

المشهد بين السواق وصاحب كلمه انت مش عارف بتكلم مين...تقريبا بنشوفه كل يوم وفى مواقف كثيره

وناس كتير مختلفه فى الثقافه والتعليم

انت مش عارف انت بتكلم مين

دا شخص بيحاول يهد ضعيف وحيله حقيره من شخص مريض

مش ضرورى أبدا تفرض قوتك بالغلط ...

ولا تستقوى بعائله او مال او وظيفه مهمه....

قضايا كتير وناس كتير فى النيابه بيتحقق معاها بسبب هذه الجمله

شباب فندق الفيرمونت ورجال اعمال وشخصيات عامه واسامى كتير مشهوره يتم التحقيق معاها بتهم فساد وتهم مُخله بالشرف كانو بيقولو الجمله دى وكانت حمايه لهم

انت مش عارف انت بتكلم مين؟!!! وانا ابن مين؟! وباشتغل فين؟!!!

قاموس الحياه ملئ بالمصطلحات والجُمل ...ياريت نختار ألطفها وأجملها وأنقاها...

فكم من كلمه رفعت شخصآ...

وكم من كلمه حطت من قيمه أخر