الوزير  و زعل الصعايده

بقلم : أميرة حسن

البدايه محطه بشتيل...

بدأت الحكاية بتصريح للوزير كامل الوزير وزير النقل و كان تصريحآ صادمآ للصعيد ووجه قبلى وهو عدم دخول قطار الصعيد الى محطه رمسيس...

وكانت التصريحات ورد الفعل الصعيدى نارى وغير قابل للنقاش ووصل لحد حدف الطوب وسط الكلام ..

.(الصعيد رجاله ونرفض التميز)

بدا الصعايده رفضهم لهذا القرار وتعاملوا معه على انه تهميش وعنصريه وهو مالا يقبله عاقل فنحن فى سنه 2020 الموعوده

اين الصعيد من هذه الخدمات والطرق والتوسعه التى يشهدها أهل المدن ....

طب نشوف رد سياده الوزير كان ايه ؟

محطه بشتيل اقيمت على الطراز الفرعوني، ويحدها أربعة شوارع رئيسية. يسير بهم أربعة مواصلات رئيسية، مش بس كده دا حتلاقى منها المونوريل ومترو الأنفاق، مشيرًا إلى أن إنشاء المحطة جاء لتخفيف الضغط والازدحام عن منطقة رمسيس للحد من الشلل المروري.....

وأشار إلى أن منطقة محطة بشتيل تم بها انشاء مول تجارى فضلًا عن وجود فندق صغير، يمكن لأهل الصعيد السكن فيه بأسعار معقولة.

نشوفى كلامى انا بقا

من وجهه نظرى تطوير هايل وشكل جديد لمحطات السكه الحديد لم تشهده الدوله منذ سنوات طويله

بل هو اقرب لبناء دوله جديده

دوله مافيهاش اى تميز لشمال وجنوب وجه قبلى ووجه بحرى

خصوصا ان وجهه بحرى بيعانى هو الاخر ...

يعنى الحياه مش وردى عندنا يا ابن عمى...طب ايه الحكايه وليه كل مشروع جديد نلاقى الرافض والمتضرر ...إيه الحكايه احنا اتعودنا على الشئ القليل واتعودنا انه يبقا الوضع على ماهو عليه

احنا عاوزين قطار لكل مواطن ...!!!

توضيح

القطار ات القادمه من محافظات الصعيد وتتوجه نحو الوجه البحرى تقف فى بشتيل وتكمل للإسكندرية وتمر على رمسيس..

هل وجه قبلى كله بينزل فىرمسيس وعملهم متمركز فى رمسيس؟!!!!

ام بيستقلو مواصله اخرى لتوزيعهم على محافظات اخرى....؟!!!!

طب ما هو متوفر المترو من بشتيل للقاهره وحتركب بتذكره واحده...

انشاء محطه بشتيل هى نقله فى وزاره النقل والمواصلات وتحسب لسياده الوزير ولا تحسب ضده...

لا يوجد محطه سكه حديد فى الدنيا بتخسر غير عندنا للاسف

لعدم الاهتمام احيانآ والفساد أحيانآ كثيره....مشاريع قوميه وعائد كبير

ودوله جديده