«شعبة السيارات»: «اللي عايز يشتري عربية ينزل دلوقتي قبل بكره»

 

قال علاء السبع، عضو شعبة السيارات باتحاد الغرف التجارية، إن «أفضل وقت لشراء سيارة دلوقتي قبل بكره الصبح بسبب انخفاض الأسعار حاليًا».

 

وأضاف في مداخلة هاتفية لبرنامج «رأي عام» مع عمرو عبدالحميد على قناة «TeN»: «بقول للناس عشان خاطري أنزلوا اشترى عشان منندمش بعد كده، لأن التخفيضات دي لن تحدث مرة أخرى».

وتابع: «وبالنسبة للسيارات فوق الـ2000 سي سي فسيكون التغيير بنسبة 15 لـ20% وهو ما يمثل سعر 300 ألف جنيه العربيات اللي بـ5 مليون نزلت مليون، والعربية أم 2 مليون نزلت 400 ألف جنيه»، مضيفًا: «العربية نزلت مليون جنيه مش التاجر كان بيكسب المليون دول في جيبه».

وأوضح: «العربية مش هتنزل 100 جنيه تاني، واللي عايز يشتري يبدأ دلوقتي لأن الأسعار مناسبة جدًا».