الصاوى: دماء البشر فوق أي برلمان

خاطب الفنان خالد الصاوى الأشخاص اللذين مازالوا منخدعون فى المجلس العسكرى والحكومة الحالية من خلال صفحته عبر الموقع الإلكترونى الإجتماعى الشهير الفيس بوك حيث قال لما أنت كنت ضحية لإعلام الدولة أثناء ثورة يناير كنت مخدوع، ولما إتخدعت أيام الإستفتاء كنت طيب، ولما ضحكوا عليك وحموا مبارك وعصابة طرة من بطش الناس كنت غير حكيم، ولما فضوا البلد من الأمن ونزلولك المجرمين اللي كلنا شفناهم بيأجروهم في الإنتخابات ولزقوها في الثورة كنت ساذج، ولما ضحكوا عليك في أحداث سفارة إسرائيل ثم ماسبيرو كنت إنسان إشتغالة.وتابع الصاوى إنما لما تشوف بعينيك سيناريو التحرير من أول ما ضربوا ميتين مصاب بيحتجوا على جنب لحد ما بقى فيه ناس بيتقتلوا ويتسحلوا ويترموا في الزبالة وتقوللي أنك مصدق الروايات الرسمية.. تبقى أنت أتغيرت فعلا وبقيت إنسان شرير، دماء البشر وكرامتهم فوق أي بورصة وقبل أي برلمان، فالحلي بس تغمض عينيك من بشاعة اللي حصل مع القذافي ولما تشوف امتهان ابن بلدك بعينيك تنحاز للجانب الظالم! ده أنت عيان بقى بحب الجلادين!!! ربنا ينور بصيرتك ويشفيك من بذرة الظلم قبل ما تنتشر جواك وتدمرك.