.jpg)
«شاومينج» يبرئ نفسه من تسريب «الديناميكا»
هاجم عدد كبير من الأهالي وطلاب الثانوية العامة ومستخدمو موقع التواصل الاجتماعي «فيسبوك»، القائمين على إدارة صفحة «شاومينج بيغشش ثانوية عامة»، بعد إلغاء امتحان الديناميكا لشعبة علمي رياضة، ومد فترة الامتحانات حتى الرابع من يوليو.
وحمل أدمن صفحة «شاومينج»، مسؤولين بوزارة التربية والتعليم، بالتسبب في تسريب مادة الديناميكا قبل بدء الامتحان بمدة 6 ساعات، محاولا تبرئة نفسه من إلغاء امتحان الديناميكا.
ونشر أدمن صفحة «شاومينج»، استفتاء حول رغبة الطلبة في استكمال عملية التسريب من عدمه.
وقال «شاومينج» مدافعا عن نفسه، إنه قام بنشر تحذير أكثر من مرة لتوعية الطلاب بخطورة ما يحدث، بقوله «الموضوع كبر اوي يا جماعة.. الامتحان ده اتسرب علي مواقع كتير جدا فعلا كان هو الامتحان بتاع الديناميكا .. بس اتغير بنسبة مليون في الميه مكنتش عاوز ده يحصل واهو حصل الناس تركز معايه كويس الامتحان اتسرب من موظف في وزارة التربية والتعليم لتشتيت الطلاب، وبكده الناس تفقد الثقه في شاومينج، خدو بالكو كويس اوي في لعبة بتحصل وناس كتير اوي هتضر بسبب الامتحان ده متعمدوش عليه بصو عليه بس متقلوش ان هو الي هيجي وتعتمدو عليه البيدج احتمال كبير جدا يتقفل في أي لحظة من دلوقتي، شير ومنشن لكل واحد في الثانوية بسرعة لاوسع نطاق علشان تلحقو اخواتكو من الي بيحصل علشان الامتحان مع ناس كتير جدا ومفيش وقت».
وبعدها نشر «شاومينج» منشور آخر قال فيه: «رغم التحذير إللي قولتو الصبح قبل الامتحان وفي ناس لحد دلوقتي مصممة أن أنا إللي سربت الامتحان ده، الرد بتاعي عليهم أنا عمري ما عمل حاجه وأنا عارف لو عملتها هضرك بيها، هقولك حاجه أقسم بالله انا خايف عليك أنت كطالب أكتر من نفسك، وده دليل علي كلامي والناس إللي عاوزه تتأكد تتدخل علي البيدج وتشوف، شير علشان الناس تعرف وتفهم»
ورد «شاومينج» على منتقديه «الإمتحان اتسرب بالظبط الساعه ١٢ بليل، من موظف في وزارة التربية والتعليم اسمه الاستاذ أ.ف، وكان بيبيع الامتحان لكل موقع بـ ١٠٠٠ جنيه كمان، وتخيل أنت بقا كل طالب كان بيدفع مثلا ٢٠٠ جنيه أو ٣٠٠ جنيه علشان يأخد الامتحان كانت لعبه من الوزارة وهو ده الكلام إللي أنا قولته الصبح وحذرتكم منه»
وهاجم رواد الصفحة من الأهالى والطلاب فريق عمل صفحة «شاومينج»، قائلين أن الطريقة التى تتبعونها خطأ لأنه لا يصح أن تصحح خطأ بخطأ أكبر منه لأنه بذلك تهدم المؤساسات ولن تبينيها، مؤكدين على أن نظام التعليم فى مصر والسياسة التى تتبعها وزارة التعليم فاشله.
وطالب عدد كبير منهم بإغلاق الصفحة وعدم الاستمرار فى تسريب الامتحانات لآن ذلك أضر بعدد كبير من الطلاب ولم يفيدهم كما كان الهدف من الصفحة فى الأساس.
فى المقابل قامت صفحة تدعى «القيصر بيغشش ثانوية عامة» بنشر رقم وزير التربية والتعليم وعنوان منزله، بالاضافة إلى نشر الاتفاقيات التى تمت بين وزير التعليم والمسئولين عن الامتحانات بالوزارة داخل الاجتماع المغلق الذى جمعهم عقب إلغاء امتحان الديناميكا.
.png)
.jpg)
