عمرو أديب يهاجم مرتضى منصور: "أنا لحمى مر.. ومدام محدش بيلمك أنا هلمك"

واصل الإعلامى عمرو أديب، هجومه على المستشار مرتضى منصور، عضو مجلس النواب، قائلاً:" مادام محدش بيلمك أنا اللى هلمك وأنا واقف قدامك ومش هسكت.. ولو تعرف أنا معايا أيه والله مش هتقعد فى مصر..أنت كنت تحت السرير يابنى..انت ناسى ولا إيه.. وعاوز يبقى رئيس لجنة حقوق الإنسان..متهم بقتل المتظاهرين فى 25 يناير، وإيده فيها دم فى الدفاع الجوى"، بحسب الإعلامى.

وقال أديب ببرنامجه "القاهرة اليوم"، المذاع عبر فضائية "اليوم"، : "مرتضى قلب على عكشه.. بيقلب على أى حد سواء ابنه.. بيبيع أى حد.. إنما أنا مبتبعش ولحمى مر ومكمل للآخر ويارب أدخل السجن ..أنا مش خدام ولا مدفوع لى فلوس ولا متجوز بنتك.. يا أنا يانت ومستعد أقابلك فى أى مكان راجل لراجل، واللى عنده بلاغات ضد مرتضى يقدمها.. محدش يخاف".

وواصل: "لو أنت شغال عند مين.. أنا ومصر أهم وحرية المصريين أهم.. ولن نسمح بالتطاول مرة أخرى وأنا قاعدلك على الواحدة ومش هسيبلك غلطة".