بالفيديو.. إيمان عز الدين تغلق الهاتف في وجه مدير مستشفى «أم المصريين»
نشبت مشادة كلامية بين الإعلامية إيمان عز الدين، والدكتور عبدالرحمن المهدي مدير مستشفى أم المصريين، بسبب ارتفاع معدلات اختطاف الأطفال بالمستشفى ورفضه عن الإفصاح عن عدد الأطفال المختطفين خلال الثلاث سنوات الأخيرة.
وقالت إيمان، خلال برنامجها «مفتاح الحياة» المذاع على فضائية «الحياة»، «ممكن أعرف عدد الأطفال اللي اتسجل سرقتهم على مدى آخر 3 سنوات، والرقم موجود عندي بالمحاضر، وهما 63 طفلا»، ليرد المهدي: «إنتي جايبة الكلام ده منين.. ده تهريج.. محصلش».
وعلقت إيمان، قائلة: «أنا مش جاية أهرج مع حضرتك وياريت تقولي الرقم الصح»، ليرد المهدي: «هو طفل واحد اتسجل سرقته، مش فاكر إمتى».
وتابع: «أنا اللي بقول لحضرتك طفل واحد.. وتقوليلي حاضر»، وعلقت منفعلة: «أقولك حاضر، أنا مبقولش حاضر لحد، أنت فاهم نفسك غلط على فكرة لا أقولك ولا أقول لغيرك حاضر.. والرقم ده جايبينه من مديرية أمن الجيزة، إدارتك للأمور خطأ وشكرًا خلصت المكالمة على كده».
.jpg)
