فيديو| الرئيس يوجه اللوم لمجلس النواب

وجه الرئيس عبد الفتاح السيسي اللوم لمجلس النواب بعد رفض قانون الخدمة المدنية قائلاً: “لما النهاردة يعرض القانون للإصلاح ومن وجهة نظر نواب الشعب أنه لا بد ألا يُقر، انا هقول حاضر، لكن خلوا بالكم انتوا بتطالبوني بالإصلاح والتقدم وماتفتكروش الإصلاح والتقدم ضريبتهم سهلة”
 
وتابع خلال كلمته في احتفالية عيد الشرطة التي أقيمت اليوم بأكاديمية الشرطة: “احنا مش بنعيش عشاننا فقط، لا احنا بنعيش ولازم نستعد اننا نوفر لأبنائنا وأحفادنا مستقبل كويس، فقبل ما تقول الكلمة ادرس الموضوع كويس، أنا وضعت في اعتباري 3 أشياء قبل القانون وقلت ياترى أن ما يقرب من 7 مليون موظف مصر محتاجة منهم كام؟، مصر محتاجة منهم مليون فقط لكن الستة موجودين معانا لأن لديهم أسر، وقلت أيضاً هل في حد مرتبه هيقل؟ لأ طبعاً”.
 
وتابع السيسي قائلاً: “انتوا بتتكلموا والدنيا كلها ظروفها الاقتصادية صعبة ومصر مش بعيدة عن الظروف دي، أومال لو قولتلكوا تعالوا نتنازل شوية لأجل خاطرها هتقولوا إيه؟، الشعوب بتحيا بالإخلاص والأمانة والشرف لكن غير كدة لأ… وأرجو أن ماحدش يتصور إني بنتقد حد”.