بالفيديو.. حقيقة الاعتداء على أحمد موسى جنسيًا بطريق المحور

نفى الإعلامي أحمد موسى، تجريده من ملابسه هو وحارسه وسائقه وتركه عاريًا على طريق المحور، قائلًا للعقيد المتقاعد الهارب بأمريكا، عمر عفيفي: "أنت بتطلع شائعة تستهدفني.. عايز أقولك أتغطى مفيش صعيدي يتعمل فيه كده، الصعيدي يموت الأول قبل ما حد يثبته، مش إحنا يا عمر يا عفيفي.. إنتوا اللي يحصل فيكم كده".

وأضاف أحمد موسى، خلال برنامجه "على مسؤوليتي" على قناة "صدى البلد"، قائلًا: "معروف يا عمر يا عفيفي أنت شغال لحساب مين وطبعا الهجوم اللي بعمله على أسيادك الأمريكان ضد الإعلام وقناة الجزيرة.. كل حاجاتك محروقة.. وأنا بقالي كام يوم مش بخرج من مدينة الإنتاج الإعلامي".

وتابع: "لو راجل يا عمر عفيفي ارجع مصر يا هارب، وشائعاتك تحت الأقدام، وأنا بطمنك اللي هيقرب مني هضربه بالرصاص.. وأنا ورايا عيلة شكلها إيه.. سيبك من الحراسة.. أنا ورايا عيلتي".

وكان عمر عفيفي زعم أن 4 أشخاص مجهولين يستقلون سيارة بدون لوحات استوقفوا سيارة أحمد موسى وجردوه من ملابسه هو وسائقه وحارسه وأوسعوهم ضربًا على قفاهم وجردوهم من ملابسهم وتركوهم عرايا على المحور.