بالفيديو.. إعلامية تبكي من داخل القبر: "مسمعتش ميت بيصرخ"

خاضت الإعلامية بسمة وهبة، تجربة دخول "القبر"، خلال برنامجها "هى مش فوضى" المذاع عبر فضائية "تن"، قائلة: "نزلت القبر عشان أعرف حقيقة الحياة التى نعيشها، وأول ما نزلت دموعى نزلت، ودعيت ربنا يهون عليا اللحظة دى، وبعد ما بقيت تحت إكتشفت أن الموضوع صعب، إنك فجأة تلاقى نفسك، معزول تحت الأرض، فى مكان كله أموات".

وأضافت "وهبة" باكية: "حاولت افرد إيدى مكنش فى مكان، المكان صغير أوى، لا الفلوس هنا بتنفع، ولا الجاه، والسلطان، إنت وعملك وبس، مسكت مصحف عشان أقرأ ملقتش نور، إستعنت ببعض آيات القرآن اللى حفظاها، وتمنيت أنى أكون حافظة أكتر، وبكيت من الحزن والخوف، وعلى الدنيا اللى فوق، اللى اخرتها حفرة متر فى متر، كنت نازلة اعد ساعات، مقدرتش أقعد غير ساعة، ومرت وكأنها سنين".

وتابعت "وهبة": "وأول ما طلعت حسيت أنى بتولد من جديد، والحقيقة الوحيدة اللى عرفتها، أنى مسمعتش ميت بيصرخ".