"القرموطي": ما يحدث مع عائلة رئيس الوزراء الأسبق "فضيحة"

 
انفعل الإعلامي جابر القرموطي، بسبب تعرض المهندس محمد صدقي سليمان نجل رئيس وزراء مصر الاسبق، وقت بناء السد العالي في عهد الزعيم جمال عبدالناصر، لأزمة صحية وعدم حصوله على العلاج على نفقة الدولة، وأن احفاد رئيس الوزراء الأسبق لم يستطيعوا دخول المدارس بسبب عدم وجود أموال.

وعلق "القرموطي"، خلال تقديمه برنامج "مانشيت"، المذاع على فضائية "اون تي في"، قائلاً: "مفيش تعليق الواحد يحط في بوقه جزمة ويسكت ..بقا احفاد رئيس وزراء مش عارفين يخشوا المدرسة علشان مفيش فلوس وكمان ابنه بين الحياة والموت ومحدش سأل فيهم ..دي فضيحة بكل المقاييس ..ياحكومة اختشوا على دمكم شوية هو علشان مش نهاب يضيع".

وتابع؛ "الراجل ده علشان كان شريف وبسببه مصر كلها منورة لغاية دلوقتي ..الراجل ده شيخ الأزهر نفسه شهدله بانه شريف ..ورئيس وزراء مصر الأسبق ده كان يقدر يخنصر اللي هو عاوزه بس هو شريف .. ده اللي عبدالناصر قال عليه ان باني السد العالي".

ووجه الاعلامي رسالة إعتذار إلى اسرة رئيس الوزراء الاسبق، قائلا: "وانا بعتذرلكم ..ده شرف ابوكم على البلد وصيانة ابوكم للبلد إحنا اسفين".