تامر أمين لـ"رفعت السيد": "كلامك سافل"

هاجم الإعلامي تامر أمين، المستشار رفعت السيد، رئيس محكمة جنايات القاهرة الاسبق، عقب تصريحاته الغريبة حول، إن وزير العدل لديه الحق وأن "عامل النظافة بيربي ولاده من الشحاتة والعرق دساس"، معلقا: "هو انتم مالكم ياسادة يا قضاة هو انتم عندكم العنصرية دي".

وأضاف "أمين"، خلال تقديمه برنامج "من الاخر" المذاع على فضائية "روتانا مصرية"، أن القضاة هم اساس العدل والذي أساسه المساواة والتكافؤ بين الناس، مشيرا: "ليه ابن عامل النظافة مياخدش حقه طالما يستحق". 

وتابع؛ "يعني بعد ما الشباب يتحدي نفسه علشان يوصل لوظيفة مرموقة أجي اقوله يالا يالة من هنا ملكش فيها انت ابن كناس ..بصراحة كلام في منتهي الاهانة والعنصرية ..وعلى فكرة فيه ناس كتير في مراكز صنع القرار في القضاء مقتنعنين بكلام وزير العدل ده بس خايفين يقولوا ولكنهم بينفذوه في الواقع بس هما جبناء مش بيقولوه".

واستطرد قائلاً؛ "انهي شعب اللي عاوزينه يترقى ويبقى له طموح واحنا بنقولهم خليكم كده ده اخركم وكويس انكم عايشين ..وايه الكلام العنصري الطبقي ده وده كلام سافل".