وزير الشباب: ”ماعندناش بطالة”

قال خالد عبدالعزيز، وزير الشباب والرياضة: «ليس لدينا بطالة إطلاقا، رغم أن الإحصائيات الرسمية تقول إن نسبة البطالة وصلت إلى 13%، وهذه الأرقام الموجودة غير حقيقية». وأضاف: «ولو رحت لأى مصنع أو أى شركة هتلاقيهم طالبين ناس تشتغل عندهم، ولو قعدت فى مجتمع للشباب أو الشابات هتلاقى فيهم ناس عاوزين يشتغلوا، فلا دول لاقيين شغل ولا دول لاقيين وظائف».
جاء ذلك خلال ملتقى الوظائف الذى نظمته وزارة الشباب بمشاركة 71 شركة من شركات القطاع الخاص، باستاد المنصورة، أمس، تحت عنوان «نحو مجتمع بلا بطالة.. العمل نظرة أمل»، أمس، والذى يوفر 8900 فرصة عمل للشباب، بحضور حسام الدين إمام، محافظ الدقهلية، والدكتور رضا عبدالسلام، محافظ الشرقية.
وقال: «فيه بعض الأولاد عندهم 12 و15 سنة بتشتغل فى بعض محلات البقالة والصيدليات بيوصلوا الطلبات للمنازل والبقشيش بتاعه فى اليوم 50 جنيه، وبيوصل إلى 100 جنيه، فأصبح فيه شاب يجد طفل دخله 3 آلاف جنيه فى الشهر، ولما تعرض عليه شغل فى مصنع بمبلغ 1500 جنيه يرفض لأنه عنده إحساس إن الطفل يحصل على ضعف دخله».
وأوصى الشباب والفتيات الحاضرين بثلاث وصايا هى «ألا يعتبروا الوظيفة الأولى هى الوظيف الأخيرة، وأن الانتقال من وظيفة إلى وظيفة أسهل من الانتقال من الوظيفة للبيت، وأنه لن يحصل أى منهم على 100% من طلباته، وإحنا عارفين الظروف الاقتصادية صعبة».