بالفيديو.. تامر أمين: الحكومة بتشتغل في الوقت الضايع بس

انتقد الإعلامي تامر أمين، حكومة المهندس إبراهيم محلب؛ بسبب البطء في إجراء الإصلاحات التشريعية؛ لتقويم منظومة العمل الإداري والمناخ الاستثماري في مصر.

وقال أمين في برنامجه من "الآخر المذاع" على فضائية روتانا مصرية: "اللي حصل في شرم الشيخ على مدار الشهرين اللي فاتوا دوول يدينا أمل، ويعرفنا إن لما بتتوفر الإرادة السياسية والإدارة الحكيمة بنوصل، ولكن مشكلتنا إن إحنا ما بنشتغلش إلا تحت ضغط، وبنشتغل بس في اللحظات والوقت الضائع".

وتابع أمين: "الحكومة عدلت قانون الاستثمار في أسبوعين، يعني كان لازم يبقى في مؤتمر اقتصادي والمستثمرين يقولوا مش هانيجي إلا لما تفعلوا سياسة الشباك الواحد علشان تعملوا القانون، ما انتوا عارفين أن قوانين الاستثمار بتاعتنا بعافية، والمستثمر المصري بيطلع عين اللي خلفوه علشان يفتح ورشة ما عدلتوهاش ليه".