عمرو أديب لباسم يوسف : أنت صاحب خبرة إعلامية قليلة

دعا الإعلامي عمرو أديب، مقُدم برنامج «القاهرة اليوم» على شبكة «أوربت» باسم يوسف، مقدم برنامج «البرنامج» على قناة «إم بي سي مصر» أن يساندهم ضد «الإرهاب».

وقال «أديب» في حلقة برنامجه،: «بجدد دعوتي ليك يا باسم، أقف معانا شوية، مش هقولك متهاجمش السيسي، (المشير عبد الفتاح السيسي، النائب الأول لرئيس الوزراء وزير الدفاع والإنتاج الحربي)، اعمل اللي أنت عايزه، بس فيه حاجات كده لازم تبقى معانا فيها».

ووصف مقدم برنامج «القاهرة اليوم» الإعلامي باسم يوسف بـ«صاحب الخبرة الإعلامية القليلة».

وأضاف: «المذيعين الأمريكيين وقت غزو العراق كانوا بيستضيفوا الجنود وبيرفهوا عنهم، إنت برده لازم تقف معانا ضد الإرهاب».

وأوضح: «أنا مش بقولك طبل لحد أو نافق لأي مسؤول، اعمل اللي إنت عايزه، بس نيجي في حتة معينة يبقى لازم يكون ليك دور معانا ضد الإرهاب».