تسجيل صوتي.. أسماء محفوظ باكية: النشطاء السياسيين طلعوا زبالة وبيقبضوا من بره

كشف الإعلامي عبد الرحيم علي، خلال حلقة مساء امس الأربعاء من برنامجه "الصندوق الأسود" على فضائية القاهرة والناس، الستار عن مكالمة أخرى بين أسماء محفوظ وناشط سياسي يدعى خالد.
حيث تؤكد أسماء خلال المكالمة أنها ذهبت لمقر أمن الدولة بعد اقتحامه وقرأت جميع ملفات أصدقائها والمقربين لها من النشطاء السياسيين واكتشفت أكبر مفاجأة لها وهي حقيقة أن كثيرين جدا من النشطاء السياسيين شخصيات زبالة ويمولون من الخارج.
وإليكم نص المكالمة.
خالد: أهلا أهلا
أسماء محفوظ: آلو ازيك يا خالد عامل إيه؟
خالد: إزيك يا أسماء أخبارك إيه؟
أسماء محفوظ: الحمد لله كله تمام إنت إيه الأخبار؟
خالد: هااا كنتِ فين النهاردة؟
أسماء محفوظ: مافيش.. كنت في كذا مشوار كده روحت لاظوغلي واتكلمت مع ناس صحابي وشفت ملفات لناس.
خالد: ملفات لناس مين بقى؟
أسماء محفوظ: ناس صحابنا.
خالد: هههه .. بس معلومة بس معلومة كل الملفات دي هجص.
أسماء محفوظ: بس في ناس اعترفت إن الملفات دي بجد واعترفت على نفسها.
خالد: مين ده؟
أسماء محفوظ: ناس صحابي .. ناس صحابي .. ملفات كلها زبالة .. يعني تفريغات مكالمات .. قالوا لي دي صح .. مفرغلنا مكالمات كتير أوي يا خالد .. كل حاجة فاهم؟
خالد: إمممم
أسماء محفوظ: أنا بس اللي نفسي أفهمه هو مين صح .. يعني مين نضيف في البلد دي؟
خالد: يعني مين اللي أكيد بايظ من اللي جنبيكي؟
أسماء محفوظ: ناس كتير ناس كتير ناس كتير .. ناس بتاخد فلوس بأسامينا .. وناس كتير بتستغلنا وناس كتير بتضحك علينا.