محمد فؤاد يوضح جدل ألبومه الأخير ويكشف سر أغنية ”يا فؤش”

علق النجم الكبير محمد فؤاد على ردود الفعل المتنوعة التي أثارتها أغنيته الأخيرة “يا فؤش”، مؤكدًا سعادته بالنجاح الكبير الذي حققته الأغنية منذ طرحها، وهذا بعد فترة غياب عن الساحة الفنية ورجوع مكانته وسط جمهورة

وخلال لقائه مع et بالعربي، أوضح محمد فؤاد أن كل ما تم تداوله عن إلغاء ألبومه مجرد شائعات، وقال: دا كلام غلط ومفيش اصلا منتج للألبوم عشان يتقال فكينا ولا مفكيناش والسوشيال ميديا بتضحك على الناس بسهولة، وأنا التزمت الصمت عشان كان نفسي يدوقوا العلقة بمعنى الكلمة، ويعرفوا يعني إيه فؤش.

الأغنية الجديدة “يا فؤش” من كلمات ملاك عادل، وألحان محمد راجح، وتوزيع نابلسي مع ميكس وماستر من خالد سند، وتروي كلماتها قصة مشاعر معقدة بين قرب واعتراف وشوق وصراع داخلي، تفاعل جمهور فؤاد معها بقوة واعتبرها عودة مؤثرة بعد فترة من الهدوء الفني.

وتقول كلمات الأغنية بالكامل:

في قُربك كل حاجة بتبقي في عيني حلوة
أنا كل ماخش بيتنا لوحدى وأطفى النور
ألاقى صورتها ماليه الأوضه والمرايات
قالولى عمل ومعمولك جابولى بخور
وبخرتلها ظهرتلي فى حاجات وحاجات
أنا كل ماخش بيتنا لوحدى وأطفى النور
ألاقى صورتها ماليه الأوضه والمرايات
قالولى عمل ومعمولك جابولى بخور
وبخرتلها ظهرتلي فى حاجات وحاجات
عملولى زار برضو ماطلعتش قاعدالى فى البيت
وبملح ومايه فى الشقه كلها رشيت
برضو مفيش فايده الظاهر أن أنا حبيت
دايماً على بالى ومابتسيبنيش

روحت لناس خبرة وقالولى كل دى عكوسات
وجابولى ناس لفت حواليا وسبع لفات
ما بقيتش بتمشى من بالى وبقت بتبات
شكلها كده حالفه ماتنيمنيشي
يدوب هارتاح وهاخد نفسى أسمع صوت
ينادى عليا ويقولى مانيش سيباك
أطير من خوفى ع الدكتور أقوله بموت
يرد عليا ويقول ده أكيد إرهاق
عملولى زار برضو ماطلعتش قاعدالى فى البيت
وبملح ومايه فى الشقه كلها رشيت
برضو مفيش فايده الظاهر أن أنا حبيت

وفي الساعات الأخيرة، أثار تسريب أغنية جديدة باسم “حليم” حالة من الجدل بين جمهور محمد فؤاد، حيث بدأ البعض يظن أنها جزء من ألبومه القادم، قبل أن يتضح أن الأغنية تنتمي فعليًا إلى ألبوم سابق كان مقرر طرحه، ولكن المشروع تم إلغاؤه بالكامل نتيجة خلافات مع الشركة المنتجة.

وأكد فؤاد أن هذا التسريب لم يؤثر على خططه للألبوم الجديد، وأنه يواصل العمل على مشروعه الفني الكبير الذي يضم مجموعة متنوعة من الأغاني، ويتوقع أن يطرح الألبوم قريبًا بعد سنوات من التحضير والتسجيل، بينما يواصل الجمهور متابعة كل جديد بشغف كبير، خصوصًا بعد النجاح اللافت الذي حققته أغانيه المنفردة الأخيرة.