بقينا في زمن العجايب.. رسالة غاضبة محمد صبحي حارس مرمى نادي الزمالك على انستجرام

خلال رسالة غاضبة في أحدث ظهور له عبر حسابه الرسمي على انستجرام، وجه محمد صبحي حارس مرمى نادي الزمالك، كلمات استغربها متابعية، وقال «متستغربش لما تلاقي حد كارهك وانت معملتش معاه أي حاجة وحشة ولا تتصدم لما تعمل الخير مع حد ويردوهلك في الآخر أذية، نفوس الناس مش زي بعضها وفي قلوب كتير حوالينا ماليها الحقد والغل ف مش كل الناس هتحبك وتتمنا لك الخير».

هتتشاف وحش في عيون

واستنكمل رسالته «مهما قدمتلهم حاجات حلوة مهما كان قلبك أبيض وبيحب الخير للكل هتتشاف وحش في عيون ناس كتير مهما كانت تصرفاتك تلقائية وطبيعية!! ناس هتشوفها مقصودة ومدروسة حتى جدعنتك اللي بالفطرة هتتحسب منظرة وحب للظهور، مش كل الناس هتحب تعرفك على حقيقتك ولا كل الناس هتشوفك زي انت ناس كتير جدا بيشوفوك بطباعهم وسواد قلوبهم بقينا في زمن العجايب فتوقع الغير متوقع، امشي زي مانت وزي ماتربيت ومتستناش خير من حد واياك تعافر علشان تثبت لحد انك كويس».

واختتم رسالته عبر استوي انستجرام «مش مهم ابدا تكون عند الناس اي ولا هما باصينلك ازاي، لينا رب هو اللي عارفنا وشايف قلوبنا وعارف نوايانا وهو ده بس المهم مش البشر أبدا».

وجاءت تلك الرسالة بعد أن ترددت الفترة الأخيرة أنباء عن رحيل محمد صبحي من نادي الزمالك إلى بيراميدز، وذلك بعد تراجع أدائه مع الفارس الأبيض.