جماهيركم اللي بقيالكم.. منة القيعي تعلق على توتر العلاقة بين أنغام وشيرين عبدالوهاب

علقت الشاعرة الغنائية منة عدلي القيعي على الأزمة التي طالت كلا من أنغام وشيرين عبدالوهاب مؤخرًا، بسبب مهرجان موازين، وهجوم الجمهور على أنغام مما دفعها إلى البكاء علنًا على الهواء، كاشفة عن تدهور حالتها الصحية.

وعلقت منة القيعي عبر حسابها الرسمي على فيسبوك: ستات مصر الفنانات القمرات المشرفات النجمات اللي منورة في سماء الفن مش بس في مصر في الوطن العربي كله، شيرين وأنغام أعمدة بنتسند عليها بقالنا سنين ومهم يتقالهم علنًا اتعبوا واسندوا على جماهيركم اللي بتحبكوا وبقيالكم رغم الأحقاد.

وأضافت: بعد الشر عن كل واحدة بتطولها روح مش طيبة وتأذيها، لكن تذكروا جيدًا لو الكارهين ألف فالمحبين ملايين وباقيين.

مداخلة أنغام مع لميس الحديدي

يذكر أن الفنانة أنغام كانت قد قالت خلال مداخلة هاتفية مع الإعلامية لميس الحديدي: وأنا على سريري في المستشفى عرفت إن شيرين على المسرح وفيه مشكلة طيب أنا بتشتم ليه؟ أنا مالي؟ الناس مبقاش عندها أي ضمير إيه علاقتي باللي حصل مع شيرين في الحفلة هي صادفت إني في المستشفى لو أنا مش في المستشفى أنا مالي؟.

وأشارت: دي مش أول مرة وأنا تحملت سنين فاتت، طول الوقت تلقيح كلام حتى منها شخصيا، وعمري ما علقت وزعلت بيني وبين نفسي وعذرتها كتير وقافلة الموضوع تماما، إنما توصل إن كمان بنوجه الجمهور كله والرأي العام ناحية أنغام وإني بتاعة مؤامرات وتشيطن أنغام وتطلعني بشن حملات على زميلة.