فيفي عبده: الفلوس بتعمل مشاكل جامدة وروحت للدكتور النفسي بسبب فلسطين

كشفت الفنانة فيفي عبده، عن سبب ذهابها للطبيب النفسي وسبب أوضاع فلسطين في هذا.

وفي خلال لقائها مع الإعلامية ياسمين عز في برنامجها "كلام الناس"، قالت فيفي عبده إنها ذهبت إلى عدد من الأطباء النفسيين بسبب الوضع في فلسطين، وأخبرها أحد الأطباء بعدم مشاهدة التليفزيون.

وأضافت:"مش عايزة أفول على نفسي.. أنا لسة عندي كتير وعايزة أعيش وأتبسط، ومش عايزة حد يكلمني عن المرض ولا السياسة".

وفي أثناء اللقاء، تحدثت عن أزمة الراحل محمود عبدالعزيز وبوسي شلبي، حيث قالت: "فكرت فيه، ولما شفت إنه توفى من 9 سنين قولت يا نهار أبيض، كنت فاكرة من سنتين تلاتة.. العمر بيجري".

وأوضحت فيفي عبده: "لما يبقى عندك حاجة بتقولها وقتها أضرب على الحديد وهو سخن.. مش بعد 9 سنين.. بس الفلوس بتعمل مشاكل جامدة أوي فلازم الواحد يصرف الفلوس كلها وميسبش حاجة.. والزواج إشهار، وبوسي زوجته قدام ربنا والناس كلها".