سمسم شهاب:النجوميه من وجهة نظري ليست بعدد المشاهدات ولا بالملايين

تحدث المطرب سمسم شهاب عن معنى النجوميه من وجهة نظري في تصريحات تليفزيونيه في برنامج "أوضة ضلمة" مع الإعلاميه إنجي هشام قائلا:"أما النجوميه من وجهة نظري فهي ليست بعدد المشاهدات ولا بالملايين ولا بالكلام ده كله،النجوميه هي الي الانسان الي زي حالاتي انا مثلا او زي غيري من الناس النجوم الي احنا طلعنا على ايديهم ان غنوته بعد 30 سنة بتتغنى،يعني "انا الي كتير بلوم نفسي" الي بغنيها دي بقالها 13 سنه وكإنها لسه نازله النهارده وتريند ع التيك توك كل يومين،"العيش والملح" من 2007 مثلا،بلاش "نفسي يا أمي" من 95 أو 96.

فهل الاغاني بتاعتهم ممكن تتغنى بعد 30 سنة؟ ما أعتقدش.
فعمري ما كرهتهم بالعكس،لكن هما واخدين مكان وحيز في المجتمع المصري ياريت يستغلوا ده في ان هما يقدموا للناس حاجه كويسه.
والله يا جماعه انا ما بكرهكم،أنا بكره الاسلوب الي بتتعاملوا بيه مع الفن."