.jpg)
«أنا مش هخاف من لجان إلكترونية».. رسائل نارية من أحمد حسن بشأن نجم الأهلي
وجه أحمد حسن، نجم الكرة المصرية السابق، رسائل نارية بشأن إمام عاشور، لاعب خط وسط الفريق الأول لكرة القدم بالنادي الأهلي.
وقال أحمد حسن، في تصريحات تلفزيونية عبر فضائية «دي إم سي»: «لا نختلف على موهبة إمام عاشور، فهو من اللاعبين الجيدين ولاعب كويس، الجماهير منتظرة منه الأفضل، الناس نفسها إن الحالة الجدالية اللي بيعملها إمام عاشور، تكون جوه الملعب»
وأضاف: «أنا بكلم إمام عاشور، كلاعب كورة سابق كنت في هذا المجال على مدار 20 سنة، مش قلقان من لجان إلكترونية، البعض طبعًا بيبقى خايف وقلقان بسبب السوشيال ميديا واللجان الإلكترونية، لكن احنا عملنا تاريخ يتوارث لأحفادنا، فاحنا بنتكلم هنا بمنتهى الشفافية»
وتابع: «لما يكون عندك حد كويس، بتحاول تنصحه لنفسه، أنا هاخد مقولة قالها قبل كدة الكابتن الخطيب، لما اتسأل في أحد البرامج عن رمضان صبحي وأحمد فتحي، قال (أنا مش زعلان منهم أنا زعلان عليهم )، إمام عاشور، نفس الحكاية الناس زعلانة عليه وعلى الحالات الجدالية اللي هو بيعملها اللي هي مالهاش أي لازمة ومالهاش أي علاقة بكرة القدم».
وأتم: «شوفنا أغلب النجوم بيحتفلوا وبيحتفلوا احتفالات عادية، أنا معنديش مشكلة إن إمام عاشور، يحتفل بالبالونة، لكن اللقطة الغير مقبول إنك تدوس عليها، لأنك كده أثارت حالة من الجدل والبعض قال إنه كان يقصد نادي الزمالك».
.png)
.jpeg)
.jpg)
