شوبير يعلن تفاصيل صفقة لم تكتمل للأهلي والسبب 8 مليون دولار!

صدمة كبيرة وجهها كابتن أحمد شوبير لجماهير الأهلي بخصوص ملف الصفقات الذي تحاول الإدارة الحمراء حسمه خلال فترة الانتقالات الحالية.

وقال أحمد شوبير عبر برنامجه على شاشة قناة الأهلي: النادي في 23 ديسمبر أنهى صفقة من العيار الثقيل ولكن بعد الأخبار والسوشيال ميديا الناس زودت الرقم.

وأضاف: بعدها الأهلي زود المبلغ بقيمة كبيرة مفيش غير نادي في مصر اشترى لاعب بالرقم ده قبل كدة، وبعدين تاني الكلام والسوشيال ميديا، فتفاجئ الأهلي بأن النادي طلب مبلغ أكبر ضعف المبلغ اللي الأهلي زوده.

وأكمل: الأهلي قرر يوقف الكلام عن الصفقات وقرر فرض السرية والكتمان، عشان كدة دائرة صغيرة فقط اثنين أو ثلاثة اللي عارفين وأقرب الأقربين مش عارفين.

وزاد: أنا حتى لما بسال باخد خطوط عريضة، وكولر مغلطش لما قال مجليش تدعيمات هي مجاتش لكن مش هنتكلم ولما نخلص صفقاتنا نتكلم، مش معقول اتفق على 2 مليون تبقى 4 بعدها تبقى 8.